ارزګان؛ مرکز ترينکوټ کې د ٣٢ لوبډلو ترمنځ د ټېپ بال کرکټ سیالۍ پای ته ورسېدې
د ارزګان ولایت د بدني روزنې او ورزش آمریت اړوند د ټېپ بال کرکټ فدراسیون د استازولي له لوري د ياد ولايت مرکز ترينکوټ ښار کې د ٣٢ لوبډلو ترمنځ د ټېپ بال کرکټ لس اوریزې سیالۍ د ګولډن الف لوبډلې په اتلولي پای ته ورسېدې.
د یادو سیالیو پای لوبه د پوهنتون او ګولډن لوبډلو ترمنځ ترسره شوه. ګولډن لوبډلې لومړی توپ وهنه وکړه او په ټاکلو لسو اورونو کې یې خپلې سیالې لوبډلې ته د ٢١٣ منډو هدف وټاکه. پوهنتون لوبډلې د هدف په تعقیب کې ١٧٠ منډې وکړې او سیالۍ یې د ٤٢ منډو په توپیر وبایلله.
يادې سیالۍ ورزش ته د ودې ورکولو په موخه ترسره شوې چې ٤٥ ورځې یې دوام وکړ او په پای کې اتلې لوبډلې او غوره لوبغاړو ته چمتو شوې ډالۍ ورکړل شوې.
