کندوز کې د ۱۶ لوبډلو ترمنځ د والیبال ټاکنيزې سیالۍ پای ته ورسېدې
د کندوز ولايت د بدني روزنې او ورزش رياست اړوند د والیبال فدراسيون د استازولۍ له لوري د یاد ولایت په مرکز کې د ۱۶ لوبدلو ترمنځ د والیبال ټاکنيزې سیالۍ د زاخېلو لوبډلې په اتلولي پای ته ورسېدې.
د يادو سياليو پايلوبه د زاخېلو او کندوز اتلانو لوبډلو ترمنځ ترسره شوه، چې په پایله کې یې زاخېلو لوبډلې د ٣/٢ میدانونو په توپیر خپلې سیالې لوبډلې ته ماتې ورکړه او اتلولي یې خپله کړه.
دا سیالۍ د کندز ولایت د والیبال غوره لیګ سیالیو ته د غوره ورزشکارانو د ټاکلو په موخه ترسره شوې، چې څلور ورځې یې دوام وکړ او په پای کې غوره ورزشکارانو ته مډالونه، د والیبال توپونه او ستاینلیکونه ورکړل شول.
