سمنګان؛ دره صوف پاین د فوټسال سیالیو اتلولي وګټله
د سمنګان ولایت د بدني روزنې او سپورټ امریت له لوري د دې ولایت د دره صوف بالا او دره صوف پاین ولسوالیو د ۲۲ لوبډلو ترمنځ د سولې او ورولۍ جام فوټسال سیالۍ د دره صوف پاین لوبډلې وګټلې.
د دې سیالیو په پای لوبه کې دره صوف پاين لوبډلې د تنګي یعقوب لوبډلې ته ۱/۳ ګولونو په توپیر ماتې ورکړه او د دې سیالیو اتلولي يې وګټله.
دا سیالۍ؛ چې موخه يې د ځونانو هڅول و، په پای کې یې ګټونکې لوبډلې او غوره ورزشکارنو ته کپونه، مډالو او ډالۍ هم ورکړل شوې.
