کندهار؛ ستاره ګان لوبډلې د اشرف البلاد جام سیالیو اتلولي وګټله
د کندهار ولایت د بدني روزنې او ورزش ریاست له لوري د یاد ریاست په ورزشي جمنازیوم کې د اشرف البلاد په نوم د فوټسال سیالیو اتلولي چې ۳۲ لوبډلو پکې ګډون کړی و، ستاره ګان لوبډلې خپله کړه.
دغه سیالۍ چې دوه میاشتې یې دوام وکړ، پایلوبې ته یې ستاره ګان او برادران لوبډلو لار موندلې وه، چې په پایله کې ستاره ګان لوبډلې خپلې سیالې لوبډلې ته د ۵-۲ ګولونو په توپیر ماتې ورکړه او اتلولي یې خپله کړه.
د یادونې وړ ده چې د دغو سیالیو په پای کې غوره لوبډلو او لوبغاړو ته کپونه او مډالونه ورکړل شول.
