خوست کې د ۳۰ لوبډلو ترمنځ د ټېپ بال کرېکټ سيالۍ پای ته ورسېدې
د خوست ولايت د بدني روزنې او ورزش آمريت په همغږۍ او د ټېپ بال کرېکټ فدراسيون د استازولۍ له لوري د مرکز اړوند جغ چينې کلي کې د ۳۰ لوبډلو ترمنځ د ټېپ بال کرېکټ سيالۍ د لکڼو نوکوټ خېل لوبډلې په اتلولۍ پای ته ورسېدې.
د يادو سياليو پايلوبه د لکڼو نوکوټ خېل او ذبيح الله لوبډلو ترمنځ وشوه، د لوبې پچه لکڼو نوکوټ خېل لوبډلې وگټله او لومړی يې د توپ وهنې پرېکړه وکړه، چې په ټاکلو ۷ اورونو کې يې د ۴ لوبغاړو په سوځېدو سره خپلې سيالې لوبډلې ته د ۱۰۳ منډو هدف کېښود، په ځواب کې ذيبح الله لوبډلې د ټولو اورونو په لوبولو سره ۹۲ منډې وکړې او لوبه يې د ۱۰ منډو په توپير وبايلله.
دا سيالۍ په گروپي ډول ترسره شوې، چې شاوخوا درې مياشتې يې دوام وکړ.
