کابل؛ د ۷ لوبډلو ترمنځ باسکټبال (درې پر درې) سیالۍ د پولي تخنیک پوهنتون د ساختماني پوهنځي په اتلولۍ پای ته ورسېدې
د بدني روزنې او ورزش عمومي ریاست د همګاني آمریت او د باسکټبال ملي فدراسیون په همغږۍ د پولي تخنیک پوهنتون د بېلابېلو پوهنځیو ترمنځ د باسکټبال سیالۍ د ساختماني پوهنځي په ګټه پای ته ورسېدې.
دا لوبې له تېرو څلورو ورځو روانې وې، چې په پایلوبه کې د ساختماني انجینري پوهنځی او د چاپیریال پوهنځی سره مخ شول، چې په پایله کې ساختماني پوهنځی لومړی او چاپیریال ساتنې پوهنځي دویم مقام خپل کړ.
ددې سیالیو په پای کې د باسکټبال فدراسیون له لوري غوره لوبډلو او لوبغاړو ته کپونه او ورزشي سامونونه هم ووېشل شول.
