غزني؛ رشیدان ولسوالۍ کې د اتو لوبډلو ترمنځ د والیبال ژمنۍ سیالۍ پای ته ورسېدې
د غزني ولایت د بدني روزنې او ورزش امریت له لوري د اتو لوبډلو ترمنځ د والیبال ژمنۍ سیالۍ، چې دوې ورځې وړاندې د رشیدان ولسوالۍ د بېلا بېلو کلیو ترمنځ پیل شوې وې د عاشور رشیدان لوبډلې په اتلولۍ پای ته ورسېدې.
د دغو سیالیو پایلوبې ته د عاشور رشیدان او مهمند کلي لوبډلو لار موندلې وه، چې په پایله کې د عاشور رشیدان لوبډلې خپلې سیالې لوبډلې ته د ۳/۰ میدانونو په توپیر ماتې ورکړه او اتلولي یې خپله کړه.
د یادو سیالیو موخه ورزش ته وده ورکول او د ځوانانو هڅول ياد شوي دي.
په پای کې غوره لوبډلې ته د اتلولۍ کپ او غوره لوبغاړو ته مډالونه او ستاینلیکونه ورکړل شول.
