هلمند؛ ګرمسېر ولسوالۍ کې د محمد یعقوب مطمئن په نوم د فوټبال یو میاشتینۍ سیالۍ پیل شوې
د هلمند ولایت د بدني روزنې او ورزش آمریت له لوري د یاد ولایت د ګرمسیر ولسوالۍ په امیر بلند آغا ورزشي حوزه کې د ۱۴ لوبډلو ترمنځ د فوټبال سیالۍ پیل شوې.
د سیالیو د پیل په مراسمو کې د هلمند د ورزشي امریت او د ولسوالیو ورزشي مدیریتونو مسؤولانو او ګڼو لوبغاړو ګډون کړی و.
دغه سیالۍ چې په ډبل ناک اوټ شکل سره ترسره کېږي، لومړۍ لوبه یې د یاران او حبیبي لوبډلو ترمنځ ترسره شوه، چې یاران لوبډلې د ۲-۰ ګولونو په توپیر حبیبي لوبډلې ته ماتې ورکړه. خان محمد او بور آغا د یاران لوبډلې په ګټه یو- یو ګول ترسره کړ.
