ننگرهار؛ لعلپورې ولسوالۍ لوبډلېد ۵۶ لوبډلو ترمنځ د ټېب بال کرکټ سياليو اتلولي وگټله
د ننگرهار ولايت د بدني روزنې او سپورټ رياست اړوند د ټېب بال کرکټ فدراسيون د استازولۍ له لوري په مومندرې ولسوالۍ کې د ۵۶ لوبډلو تر منځ د ټېب بال کرکټ سيالۍ د لعلپورې ولسوالۍ لوبډلې په اتلولۍ پای ته ورسېدې.
د ياد سياليو پايلوبه د مومندرې او لعلپورې ولسواليو لوبډلو تر منځ ترسره شوه، چې په پايله کې د مومندرې لوبډلې په ټاکلو ۱۲ اورونو کې سيالې لوبډلې ته ۱۰۰ منډې هدف کېښود، لعلپورې لوبډلې ياد ترلاسه کړ او د ۴ ویکټو په توپیر يې بريا خپله کړه.
دغه سيالۍ چې شاوخوا يوه نيمه مياشت يې دوام وکړ، موخه يې د ځوانانو سالم رقابت و.
په پای کې گټونکې لوبډلې ته د اتلولۍ جام او غوره لوبغاړو ته چمتو شوې ډالۍ ورکړل شوې.
