مېدان وردگ؛ د ټېب بال کرکټ خزاني سيالۍ د يارانو لوبډلې په اتلولۍ پای ته ورسېدې
د مېدان وردگو د بدني روزنې او سپورټ آمريت لخوا او د ټېب بال کرکټ فدراسيون په همغږۍ د ۱۲ لوبډلو تر منځ د ټېب بال کرکټ سيالۍ، چې څو اونۍ مخکې د ياد ولايت په چک ولسوالۍ کې پېل شوې وې، نن ورځ پای ته ورسېدې.
د سياليو پایلوبه د يارانو او پيشکار لوبډلو تر منځ تر سره شوه، د لوبې پچه د يارانو لوبډلې وگټله او لومړی يې د توب وهنې پريکړه وکړه، چې په ټاکلو ۸ اورونو کې د ۴ لوبغاړو په سوځېدو سره د ۱۱۰ منډو هدف مقابلې لوبډلې ته وټاکه، پيشکار لوبډله د ياد هدف په پوره کېدو کې پاتې راغله او ۶۹ منډې يې ترلاسه کړې، چې په دې توگه يارانو لوبډلې د ۴۱ منډو په توپير سيالۍ په خپل نوم کړه او د ياد جام اتلولي يې وگټله.
د يادونې وړ ده چې، د يادو سياليو موخه، د ځوانانو ترمنځ يووالی او تفريح وه.
