غزني؛ د جاغوري ولسوالۍ منتخبې لوبډلې د غشي ویشتنې سیالیو اتلولي وګټله
د غزني ولایت جاغوري ولسوالۍ په خواجه علي کلي کې د نښې ویشتنې سیالۍ د جاغوري ولسوالۍ منتخبې لوبډلې او د مالستان ولسوالۍ منتخبې لوبډلې ترمنځ ترسره شوه.
په دغو سیالیو کې ۲۰ غشي ویشتونکو ګډون کړی و، چې د جاغوري ولسوالۍ منتخبې لوبډلې خپلې سیالې لوبډلې ته د ۸۱ نومرو په توپیر د دې سیالیو اتلولي خپله کړه.
د یادو سیالیو د ترسره کېدو موخه د دودیزو لوبو وده او د ورزشکارانو ترمنځ یووالی رامنځته کول ښودل شوی.
د سیالیو په پای کې د جاغوري ولسوالۍ د ورزشي مدیر له لوري غورې لوبډلې ته د اتلولۍ کپ او غوره لوبغاړو ته مډالونه ورکړل شول.
