پکتيکا؛ شخېل آباد ولسوالۍ کې د ۲۳ لوبډلو ترمنځ د واليبال سيالۍ پای ته ورسېدې
د پکتيکا ولايت د بدني روزنې او ورزش امريت اړوند د واليبال فدراسيون د استازولۍ له لوري د شخېل آباد ولسوالۍ په حکم کلا کې د ۲۳ لوبډلو ترمنځ د واليبال سيالۍ د يحيی خېلو لوبډلې په اتلولۍ پای ته ورسېدې.
د يادو سياليو په پايلوبه کې یحيی خېلو لوبډلې سيالې مامور خېلو لوبډلې ته ۰/۳ ميدان په توپير ماتې ورکړه او اتلولي يې په خپل نوم کړه.
د دغو سياليو د ترسره کېدو موخه نړيوالو ته په افغانستان کې د شته امن ښودل و، چې لس ورځې يې دوام وکړ او په پای کې اتلې لوبډلې ته د اتلولۍ جام او غوره لوبغاړو ته چمتو شوې ډالۍ ورکړل شوې.
