د کابل د فوټسال C کټګورۍ لیګ د ستقلال اکاډمۍ په بریا پای ته ورسېد
د کابل ولایت د فوټسال سي کټګورۍ لیګ سیالۍ، چې د ۱۴۰۲ کال د سنبلې له ۲۵ څخه د ۱۲ لوبډلو په شمول پیل شوی و، په پایله کې د استقلال اکاډمۍ په لومړي مقام ګټلو او د ابر ستاره لوبډلې په دویم مقام ګټلو سره پای ته ورسېد.
د یاد لیګ د پای په مراسمو کې د هیواد د فوټبال فدراسیون رئیس محمد یوسف کاګر، د بدني روزنې او سپورټ عمومي ریاست معاون حافظ احمد جان ځدراڼ، د فوټسال کمېټې رئیس محمد نصیر رحماني او یو شمېر نورو مسولینو او مینوالو برخه اخیستې وه.
د یادو سیالیو پایلوبه د استقلال اکاډمۍ او ابر ستاره لوبډلو ترمنځ وشوه، چې د ۱/۲ ګولونو په توپیر د استقلال لوبډلې په بریا پای ته ورسېده.
باید یادونه وکړو، چې د یادو سیالیو ګټونکې او نائب ګټونکې لوبډلو د کابل B لیګ ته لار پیدا کړه.
