ننګرهار؛ پچیراګام ولسوالۍ کې د اتو لوبډلو ترمنځ د ټېپ بال کرېکټ سیالۍ پای ته ورسېدې
د ننګرهار ولایت د بدني روزنې او ورزش ریاست اړوند د ټېپ بال کرېکټ فدراسیون د استازولي له لوري د یاد ولایت په پچیراګام ولسوالۍ کې د اتو لوبډلو ترمنځ د ټېپ بال کرېکټ سیالۍ د اکرام ریحان لوبډلې په اتلولي پای ته ورسېدې.
د یادو سیالیو وروستۍ لوبه د اکرام ریحان او حاجي عرفان لوبډلو ترمنځ ترسره شوه. د لوبې پچه د حاجي عرفان لوبډلې وګټله او لومړی یې د توپ وهنې پرېکړه وکړه چې په ټاکلو لسو اورونو کې یې د شپږو لوبغاړو په له لاسه ورکولو سره خپلې سیالې لوبډلې ته د ۱۳۷ منډو هدف وټاکه. اکرام ریحان لوبډلې ټاکلی هدف د دوو لوبغاړو په له لاسه ورکولو سر ترلاسه کړ او د اتوویکټو په توپیر یې د یادو سیالیو اتلولي وګټله.
دا سیالۍ د ځوانانو ترمنځ د یووالي په موخه ترسره شوې، چې ۱۵ یې دوام وکړ.
