ننګرهار؛ اچین ولسوالۍ کې د BPL ټېپ بال کرکټ سیالۍ شینواري ټایګر لوبډلې وګټلې
د ننګرهار ولایت بدني روزنې او ورزش ریاست د شنیوارو شپږګونو ولسوالیو ورزشي مدیریت په مرسته په اچین ولسوالۍ کې له نظام څخه د ملاتړ او ورزشکارانو د یووالي په موخه د ډاکتر شرافت افتاب له لوري د ۳۲ لوبډلو ترمنځ د ټېپ بال کرکټ سیالیو اتلولي شینواري ټایګر لوبډلې وګټله.
د دغو سیالیو پایلوبه د شینواري ټایګر او پيښې خوړ ډیپینډر لوبډلو ترمنځ وشوه، چې د لوبې پچه د شینواري ټایګر لوبډلې وګټله او لومړی یې د توپ وهنې پرېکړه وکړه، چې په ټاکلو ۱۰ اورونو کې یې د شپږ لوبغاړو په سوځېدو سره د پيښې خوړ لوبډلې ته د ۱۳۲ منډو فدف ورکړ.
په مقابل کې د پيښې خوړ ډیپینډر لوبډلې د شپږو ویکټو په زیان سره ورکړل شوی هدف پوره نه کړ او لوبه یې بایلوده.
په پای کې لومړي مقام ګټونکې لوبډلې ته لومړی درجه کپ او دویم مقام ګټونکې لوبډلې ته دوهمه درجه کپ ورکړل شو.
