ننګرهار؛ اچین ولسوالۍ کې د ۴۸ لوبډلو ترمنځ د ټېپ بال کرېکټ سیالۍ پیل شوې
د ننګرهار ولایت د بدني روزنې او ورزش ریاست اړوند د ټېپ بال کرېکټ فدراسیون د استازولۍ له لوري د ياد ولايت په اچین ولسوالۍ کې د ۴۸ لوبډلو ترمنځ د ټېپ بال کرېکټ سیالۍ پیل شوې.
د یادو سیالیو لومړۍ لوبه د دېسرک ځوانانو او شېرګړ ټايګر لوبډلو ترمنځ ترسره شوه. د لوبې پچه دېسرک ځوانانو لوبډلې وګټله او لومړی یې توپوهنه وکړه، چې په ټاکلو نهو اورونو کې یې د اوو ویکټو په زيات سره خپلې سیالې لوبډلې ته د ١۰۴ منډو هدف وټاکه. شېرګړ ټايګر لوبډلې ټاکل شوی هدف د دوو ویکټو په زيان د لوبې په شپږم اور کې پوره کړ او د اتو ویکټو په توپیر یې د یادو سیالیو لومړۍ بریا خپله کړه.
دا سیالۍ ورزش ته د ځوانانو د هڅولو په موخه پیل شوي دي، چې ۴۰ ورځې به دوام وکړي.
