ننګرهار؛ ګوشتې ولسوالۍ کې د ۳۲ لوبډلو ترمنځ د ټېپ بال کرېکټ سیالۍ پیل شوې
د ننګرهار ولایت د بدني روزنې او ورزش ریاست اړوند د ټېپ بال کرېکټ فدراسیون د استازولي له لوري د یاد ولایت په ګوشتې ولسوالۍ کې د ۳۲ لوبډلو ترمنځ د ټېپ بال کرېکټ سیالۍ پيل شوې.
د یادو سیالیو لومړۍ لوبه د کامې ګرداب او بټي کوټ مشواڼو لوبډلو ترمنځ ترمنځ ترسره شوه. بټي کوټ مشواڼو لوبډلې د لوبې پچه وګټله او لومړی یې د توپ وهنې پرېکړه وکړه، چې په ټاکلو لسو اورونو کې یې د خپلو شپږو لوبغاړو په له لاسه ورکولو سره خپلې سیالې لوبډلې ته د ۱۲۲ منډوهدف وټاکه. کامې ګرداب لوبډلې د هدف په تعقیب کې د ټولو اورونو په لوبولو سره ۱۰۰ منډې وکړې او لوبه یې د ۲۱ منډو په توپیر وبایلله.
دا سیالۍ په لېرې پرتو سیمو کې د ورزش د دود کولو په موخه پیل شوي دي، چې یوه میاشت به دوام وکړي.
