لوګر؛ مرکز کې د ۱۲ لوبډلو ترمنځ د ټېپ بال کریکټ سیالۍ پای ته ورسېدې
د لوګر ولایت د بدني روزنې او ورزش امریت له لوري د یاد ولایت مرکز په صرفي کلاء په کلي د ۱۲ لوبډلو ترمنځ د ټېپ بال کرکټ سیالۍ د سالار شهنواز لوبډلې په اتلولۍ پای ته ورسېدې.
دغه سیالۍ چې یوه میاشت یې دوام وکړ پایلوبه د سالار شهنواز او خنجر لوبډلو ترمنځ ترسره شوه، چې په پایله کې د سالار شهنواز لوبډلې په ټاکلو دولس اورونو کې د ۱۹۳ منډو هدف وټاکه په مقابل کې د خنجر لوبډلې د ټولو لوبغاړو دلاسه ورکولو سره ۱۴۰ منډې ترسره کړې، چې سیالي د ۵۲ منډو په توپیر د سالار شهنواز لوبډلې په بریا پای ته ورسېده او د یادو سیالیو اتلولي یې خپله کړه.
د دغو سیالیو په پای کې د ورزش او سپورټ امریت له لوري غوره لوبډلو ته کپونه او غوره لوبغاړو ته مډالونه او ستاینلیکونه ورکړل شول.
