خوست: دیګان زلمیو هم اتو غوره لوبډلو ته لار ومونده
نن ورځ د خوست رمضان T10 سیالیو دلمړي پړاو مسابقاتو په وروستۍ لوبه کې دېګان زلمیو لوبډلې پنزایې لښکر کلب ته ماتې ورکړه او بل پړاو ته یې لاره ومونده.
دېګان زلمیو لوبډلې په ټاکلیو لسو اورونو کې مقابلې لوبډلې ته د 142 منډو هدف ورکړ.
د دېګان زلمیو لوبډلې توپ وهونکي وکیل ځدران د خپلې لوبډلې له پاره چټکې 42 منډې په 11 توپونو ترلاسه کړې.
په مقابل کې یې د پنزایې لښکر لوبډلې د څلورو لوبغاړو په سوځېدو په نهو اورونو کې 104 منډې جوړې کړې او لوبه د باران د ورېدو له امله د DLS میتود پر اساس د دېګان زلمیو لوبډلې په 21 منډو وګټله او دویم پړاو ته یې لاره پیدا کړه.
دلوبې غوره لوبغاړی وکیل ځدران ونومول شو.
د یادولو وړده، چې سبا ورځ ددې سیالیو د اتو غوره لوبډلو ترمنځ سیالۍ پیلیږي.
