هلمند؛ ګرمسېر ولسوالۍ کې د ۱۶ لوبډلو ترمنځ د فوټسال سیالۍ پای ته ورسېدې
د هلمند ولایت د بدني روزنې او ورزش آمریت اړوند د فوټبال فدراسیون د استازولي له لوري د یاد ولایت په ګرمسېر ولسوالۍ کې د ۱۶ لوبډلو ترمنځ د فوټسال سیالۍ د صفار لېسې لوبډلې په اتلولي پای ته ورسېدې.
د یادو سیالیو پای لوبه د صفار لېسې او ملي افغان لوبډلو ترمنڅ ترسره شوه، چې په پایله کې یې صفار لېسې لوبډلې د ۴ پر یو ګول په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
دا سیالۍ د فوټسال لوبې ته د ودې کولو په موخه ترسره شوې، چې یوه میاشت یې دوام وکړ او په پای کې اتلې لوبډلې او غوره لوبغاړو ته بېلابېلې چمتو شوې ډالۍ ورکړل شوې.
